ജിദ്ദ: പ്രവാസികൾ കൂടുതൽ ആശ്രയിച്ചിരുന്ന ജിദ്ദ-കാലിക്കറ്റ് ഗൾഫ് എയർ സർവീസ് നിർത്തലാക്കാനുള്ള തീരുമാനം പിൻവലിക്കാൻ കേന്ദ്ര സർക്കാർ ഇടപെടണമെന്നാവശ്യപ്പെട്ട് ജിദ്ദ മലപ്പുറം ജില്ലാ കെഎംസിസി ഇ.ടി മുഹമ്മദ് ബഷീർ എംപി വഴി നിവേദനം നൽകി. ഗർഫ് എയർ സർവീസ് അവസാനിപ്പിക്കുന്നതോടെ ടിക്കറ്റ് നിരക്ക് വൻതോതിൽ വർദ്ധിക്കുകയും യാത്രാ പ്രശ്നം ഗുരുതരമാവകയും ചെയ്യും. ഈ പ്രശ്നത്തിൽ അടിയന്തര പരിഹാരം കാണണമെന്ന് കെഎംസിസി ആവശ്യപ്പെട്ടു. വിഷയം പാർലമെൻ്റിൽ അവതരിപ്പിക്കുമെന്നും
വകുപ്പ് മന്ത്രിയുമായി ചർച്ച നടത്തുമെന്നും ഇടി മുഹമ്മദ് ബഷീർ എംപി കെഎംസിസി നേതാക്കൾക്ക് ഉറപ്പു നൽകി. ജില്ല കെഎംസിസി പ്രസിഡന്റ് ഇസ്മായിൽ മുണ്ടുപറമ്പ്, ജില്ല ഭാരവാഹി ശിഹാബ് സി ടി, ജിദ്ദ സെൻട്രൽ കമ്മിറ്റി ചെയർമാൻ ഇസ്മായിൽ മുണ്ടക്കുളം, മുസ്ലിം യുത്ത് ലീഗ് ദേശീയ സെക്രട്ടറി സി കെ ശാക്കിർ, കൊണ്ടോട്ടി മണ്ഡലം കെഎംസിസി ജനറൽ സെക്രട്ടറി അൻവർ വെട്ടുപ്പാറ, എസ് ടി യു മലപ്പുറം ജില്ല വൈസ് പ്രസിഡന്റ് അസീസ് പഞ്ചിളി എന്നിവർ സംബന്ധിച്ചു.