തെക്കേ ഇന്ത്യയിലെ ഏറ്റവുംവലിയ പുഷ്പോത്സവത്തിന് ഊട്ടിയിൽ മേയ് 16-ന് തുടക്കമാകും. ഊട്ടി ബൊട്ടാണിക്കൽ ഗാർഡനിൽ 127-ാമത് പുഷ്പമേളയാണ് ഈ വർഷം നടക്കുന്നത്.
വെജിറ്റബിൾ ഷോ മേയ് മൂന്നിനും നാലിനും
നീലഗിരി ജില്ലയിലെ കോത്തഗിരി നെഹ്റു പാർക്കിൽ മേളയുടെ തുടക്കംകുറിച്ച് മേയ് മൂന്ന്, നാല് തീയതികളിൽ 13-ാമത് വെജിറ്റബിൾ ഷോ നടത്തും. കോത്തഗിരിയിലും ഊട്ടിയിലും വിളയുന്ന പ്രധാന പച്ചക്കറി ഇനങ്ങൾ, അവയുടെ വിത്തുകൾ, ചെടികൾ തുടങ്ങിയവയെല്ലാം പ്രദർശനത്തിനുണ്ടാകും.
സുഗന്ധദ്രവ്യമേള 11-ന്
ഗൂഡല്ലൂരിൽ മേയ് ഒൻപതു മുതൽ 11 വരെ സുഗന്ധദ്രവ്യങ്ങളുടെ പ്രദർശന, വിപണനമേള നടക്കും.
റോസ് ഷോ ഒൻപതുമുതൽ
ഒൻപത് മുതൽ 12 വരെ ഊട്ടിയിലെ റോസാപ്പൂക്കളുടെ ഗാർഡനിൽ റോസ് ഷോയും നടത്തും.
ഊട്ടി ഫ്ളവർഷോ
ഊട്ടിയിലെ ഗവ. ബോട്ടാണിക്കൽ ഗാർഡനിൽ മേയ് 16 മുതൽ 21 വരെ നടത്തുന്ന പ്രദർശനവും വില്പനയുമാണിത്.
ഫ്രൂട്ട്ഷോ 23 മുതൽ
മേയ് 23 മുതൽ 25 വരെ ഊട്ടി കൂനൂരിലെ സിംസ് പാർക്കിലാണ് നടത്തുക. കൂനൂരിലുണ്ടാവുന്നതും ഇന്ത്യയിലെ വിവിധ സംസ്ഥാനങ്ങളിലുള്ളതും വിദേശത്തുനിന്ന് കൊണ്ടുവരുന്നതുമായ പഴവർഗ്ഗങ്ങളുടെ ശേഖരം ഇവിടെ പ്രദർശനത്തിനുണ്ടാകും.
ഇതിനുപുറമെ കൂനൂരിലെ കാട്ടേരിയിൽ വെച്ച് ഇത്തവണ ഊട്ടി മലയോരങ്ങളിൽ വിളയുന്ന പച്ചക്കറികളുടെ പ്രദർശനവും നടത്തുന്നുണ്ട്.
നിയന്ത്രണമുണ്ടാകും, വഴികളിൽ
പുഷ്പമേള പ്രമാണിച്ച് നീലഗിരി ജില്ലയിലെത്തുന്ന സഞ്ചാരികളുടെ യാത്രാ വഴികളിൽ ചില നിയന്ത്രണങ്ങളും നീലഗിരി ജില്ലാ ഭരണകൂടം ഏർപ്പെടുത്തും.