വേങ്ങര: ഗ്രാമ പഞ്ചായത്ത് കൃഷിഭവന്റെ അഭിമുഖ്യത്തിൽ കാർഷിക വികസന സമിതി യോഗം കൂടി. "കൃഷിസമൃദ്ധി" പദ്ധതി മുഖ്യ അജണ്ടയായി കൂടിയ യോഗം വേങ്ങര ഗ്രാമപഞ്ചായത്ത് പ്രസിഡന്റ് ഹസീന ഫസൽ ഉദ്ഘാടനം ചെയ്തു. കൃഷി ഓഫീസർ അപർണ പദ്ധതി വിശദീകരിച്ച് സംസാരിച്ചു.
യോഗത്തിൽ ഗ്രാമ പഞ്ചായത്ത് വികസന സ്റ്റാൻറ്റിംഗ് കമ്മറ്റി ചെയർപേഴ്സൺ, കാർഷിക വികസന സമിതി അംഗങ്ങളായ വിവിധ രാഷ്ട്രീയ പ്രതിനിധികൾ, കർഷക പ്രതിനിധികൾ, സി ഡി എസ് ചെയർപേഴ്സൻ തുടങ്ങിയവർ കാര്യങ്ങൾ വിശദമായി ചർച്ച ചെയ്തു.
"കൃഷിസമൃദ്ധി" പദ്ധതി എത്രയും പെട്ടെന്ന് സമയബന്ധിതമായി തുടങ്ങുന്നതിനുള്ള കാര്യങ്ങൾ ചർച്ച ചെയ്ത് യോഗം അവസാനിച്ചു.