വേങ്ങര: വേങ്ങര ഗ്രാമപഞ്ചായത്ത് സായംപ്രഭാഹോമും വേങ്ങര ബോയ്സ് സ്കൂൾ വിഎച്ച്എസ്ഇ എൻഎസ്എസ് വിദ്യാർത്ഥികളും സംയുക്തമായി വയോജനങ്ങൾക്ക് വേണ്ടി ക്രിസ്തുമസ് ആഘോഷ പരിപാടി വിപുലമായി സംഘടിപ്പിച്ചു.
വേങ്ങര ഗ്രാമപഞ്ചായത്ത് പ്രസിഡന്റ്‌ കെ പി ഹസീന ഫസലിന്റെ അധ്യക്ഷതയിൽ നടന്ന ചടങ്ങ് വേങ്ങര നിയോജകമണ്ഡലം എംഎൽഎ പി കെ കുഞ്ഞാലിക്കുട്ടി സാഹിബ് ഉദ്ഘാടനം നിർവഹിച്ചു.
മുതിർന്ന പൗരന്മാരുടെയും വിദ്യാർത്ഥികളുടെയും വിവിധ കലാപരിപാടികൾ അരങ്ങേറിയ പരിപാടിയിൽ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ എ കെ സലീം, ആരോഗ്യ വിദ്യാഭ്യാസ ചെയർപേഴ്സൺ ആരിഫ മടപ്പള്ളി, പഞ്ചായത്ത് ഭരണസമിതി അംഗങ്ങളായ കുറുക്കൻ മുഹമ്മദ്,സിപി കാദർ, ഉമ്മർകോയ, എംപി ഉണ്ണികൃഷ്ണൻ, അസ്യ മുഹമ്മദ്, റഫീഖ് ചോലക്കൻ, ഐസിഡിഎസ് സൂപ്പർവൈസർ ജസ്ന മോൾ, സായംപ്രഭാ ഹോം ഫെസിലിറ്റേറ്റർ ഇബ്രാഹീം എ കെ, എൻഎസ്എസ് പ്രോഗ്രാം ഓഫീസർ മുഹമ്മദ് ശരീഫ് എ, സിഡിഎസ് ചെയർപേഴ്സൺ പ്രസന്ന തുടങ്ങിയവർ ആശംസകൾ അറിയിച്ചു സംസാരിച്ചു.
സായംപ്രഭാ അംഗം അബ്ദുറഹ്മാൻ മടപ്പള്ളി സാന്താക്ലോസിന്റെ വേഷം അണിഞ്ഞു.