മലപ്പുറം: സംസ്ഥാനതല റോളർ സ്‌േകറ്റിങ് ചാമ്പ്യൻഷിപ്പിൽ രണ്ട് സ്വർണമെഡലും ഒരു വെള്ളി മെഡലും നേടി ഷഹിൻഷാദ് നെച്ചിക്കാട്ടിൽ ദേശീയ ചാമ്പ്യൻഷിപ്പിലേക്ക് യോഗ്യത നേടി.
നാടിന്റെ താരമാണ് ഇപ്പോൾ ഈ മിടുക്കൻ. 500 മീറ്റർ, 100 മീറ്റർ എന്നിവയിലാണ് സ്വർണം. ഒന്ന് ലാപ് ഇനത്തിൽ വെള്ളിയും നേടി. ജില്ലയിൽ നിന്ന് ആദ്യമായാണ് ഈയിനത്തിൽ ഒരാൾ ദേശീയ മത്സരത്തിലേക്ക് തിരഞ്ഞെടുക്കപ്പെടുന്നത്. ഒതുക്കുങ്ങൽ മുനമ്പം സ്വദേശികളായ നെച്ചിക്കാട്ടിൽ സലിം റുക്സാന ദമ്പതികളുടെ മകനാണ് ഷഹിൻഷാദ്. കോട്ടൂർ എ.കെ.എം.എച്ച്.സിലെ എട്ടാം ക്ലാസ് വിദ്യാർഥിയാണ്.