അനസ് എടത്തൊടിക പ്രൊഫഷണൽ ഫുട്ബോളിൽ നിന്ന് വിരമിച്ചു

മലപ്പുറം: ഇന്ത്യൻ ഫുട്ബോൾ താരം അനസ് എടത്തൊടിക പ്രൊഫഷണൽ ഫുട്ബോളിൽ നിന്ന് വിരമിച്ചു. സൂപ്പർ ലീഗ് കേരളയിലെ ലീഗ് റൗണ്ടിലെ ഇന്നലത്തെ മത്സരത്തിനു ശേഷമാണ് മലപ്പുറം എഫ് സി യുടെ ക്യാപ്റ്റൻ കൂടിയായ അനസ് സാമൂഹ്യ മാധ്യമങ്ങളിലൂടെ വിരമിക്കൽ പ്രഖ്യാപിച്ചത്. 37കാരനായ താരം മലപ്പുറം കൊണ്ടോട്ടി സ്വദേശിയാണ്. 

അന്താരാഷ്ട്ര ഫുട്ബോളിൽ നിന്ന് 2019 ജനുവരിയിൽ വിരമിച്ചിരുന്നു. 2007ൽ മുംബൈ ടീമിനായി ഐ ലീഗിൽ അരങ്ങേറ്റം കുറിച്ചായിരുന്നു   പ്രൊഫഷണൽ ഫുട്ബോളിലേക്കുള്ള വരവ്. 2011ൽ പൂനെ എഫ്സിയിൽ എത്തി. 2017ൽ ഇന്ത്യൻ ജേഴ്സിയിൽ അരങ്ങേറ്റം കുറിച്ച അനസ് രാജ്യത്തിനായി 21 മത്സരങ്ങൾ കളിച്ചു. 

2021- 22 ഐഎസ്എല്ലിൽ ജംഷഡ്പൂർ എഫ്സിക്ക് വേണ്ടി കളിച്ച അനസ് കഴിഞ്ഞ സീസണിൽ ഗോകുലം കേരളയിലൂടെ പ്രൊഫഷണൽ ഫുട്ബോളിലേക്ക് തിരികെ എത്തി. ഈ സീസണിൽ മലപ്പുറം എഫ്സിയുടെ ക്യാപ്റ്റനുമായി.