കോട്ടക്കല്‍: സാമൂഹിക അന്തരീക്ഷം കൂടുതല്‍ മെച്ചപ്പെടുത്തുന്നതിനും ജനങ്ങളെ ധാര്‍മികമായി വളര്‍ത്തിയെടുക്കുന്നതിനും പ്രാസ്ഥാനിക പ്രവര്‍ത്തകര്‍ കൂടുതല്‍ ജാഗ്രതയോടെയും സൂക്ഷ്മതയോടെയും പ്രവര്‍ത്തിക്കണമെന്ന് സമസ്ത കേരള ജംഇയ്യത്തുല്‍ ഉലമ പ്രസിഡന്റ് റഈസുല്‍ ഉലമ ഇ. സുലൈമാന്‍ മുസ്ലിയാര്‍ പറഞ്ഞു.
മനുഷ്യരിലേക്ക് ഇറങ്ങിച്ചെന്ന് സാമൂഹിക സാഹചര്യം പഠിക്കുകയും ആവശ്യമായ ഇടപെടലുകളും ചേര്‍ത്ത് പിടിക്കലുകളും നടത്തിയാല്‍ വലിയ മുന്നേറ്റം ഉണ്ടാക്കാന്‍ സാധിക്കുമെന്ന് ഉസ്താദ് അനുഭവം പങ്കുവെച്ചുകൊണ്ട് ഓര്‍മ്മപ്പെടുത്തി.
സമസ്ത കേരള സുന്നി യുവജന സംഘം മൊബർഷിപ്പ് കാമ്പയിൻ ജില്ലാ തല ഉദ്ഘാടനം ചെയ്ത് കൊണ്ട് സംസാരിക്കുകയായിരുന്നു അദ്ധേഹം.
എസ് വൈ എസ് മലപ്പുറം വെസ്റ്റ് ജില്ലാ പ്രസിഡണ്ട് ജലാലുദ്ധീൻ ജീലാനി വൈലത്തൂർ, അബ്ദുള്ള ഫൈസി, അബ്ദുൽ മജീദ് അഹ്സനി ചെങ്ങാനി, ഇബ്രാഹീം ബാഖവി ഊരകം, എൻ എം സൈനുദ്ധീൻ സഖാഫി വെന്നിയൂർ, മൊയ്തീൻകുട്ടി അഹ്സനി ചെങ്ങാനി തുടങ്ങിയവർ പങ്കെടുത്തു.