ഊരകം: തറയിൽ മുസ്തഫ മുസ്ലിയാരുടെ മകൻ മഹ്ഷൂഖ് തറയിൽ (പാറക്കണ്ണി, മാലാപറമ്പ്) ഏഴ് ദിവസമെടുത്ത് നൂൽ കൊണ്ട് വരച്ച ചിത്രം മുസ്ലിം ലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങൾക്ക് കൈമാറി.
ചെമ്മാട് ദാറുൽ ഹുദാ ഇസ്ലാമിക് യൂണിവേഴ്സിറ്റി ഏഴാം വർഷ വിദ്യാർഥിയാണ് മഹ്ഷൂഖ് തറയിൽ.
ഏകദേശം നാലു കിലോമീറ്റർ നൂലും 264 ആണിയും ഉപയോഗിച്ച് 69*69 സ്ക്വയർ സെന്റീമീറ്റർ പ്ലൈവുഡിലാണ് ചിത്രം വരച്ചിട്ടുള്ളത്. ഇതിന് മുമ്പ് പാണക്കാട് മുനവ്വറലി ശിഹാബ് തങ്ങൾക്കും വരച്ച ചിത്രം കൈമാറിയിട്ടുണ്ട്.