ഷാർജ: അൽ ദൈദ് കെ.എം.സി.സി സി.എച് മുഹമ്മദ് കോയ അനുസ്മരണം സംഘടിപ്പിച്ചു. ഷാർജ അൽ ദൈദിൽ കെ.എം.സി.സി ഹാളിൽവെച്ച് നടന്ന പരിപാടിയിൽ കോട്ടക്കൽ മുനിസിപ്പൽ മുസ്ലിം ലീഗ് പ്രസിഡന്റ് കെ.കെ. നാസർ സാഹിബ് മുഖ്യാതിഥിയായി.
യു.എ.ഇ കെ.എം.സി.സി പ്രസിഡന്റ് പുത്തൂർ റഹ്മാൻ സാഹിബ് ഉദ്‌ഘാടനം നിർവഹിച്ചു.
ദൈദ് കെ.എം.സി.സി. ട്രെഷറർ ഇബ്രാഹീം അഹമ്മദ് മൗലവി പ്രാർത്ഥനക്ക് നേതൃത്വം നൽകി. ചെയർമാൻ ഷൗക്കത്തലി മൗലവി അധ്യക്ഷത വഹിച്ചു.
ദൈദ് കെ.എം.സി.സി പ്രസിഡന്റ് മുസ്തഫ കെ പി, സി.എച് അനുസ്മരണ പ്രഭാഷണം നടത്തി.
കോട്ടക്കൽ നഗരസഭ മുൻ ചെയർമാനും മുനിസിപ്പൽ മുസ്ലിം ലീഗ് പ്രെസിഡന്റുമായ കെ.കെ.നാസറിനെയും, ദൈദിലെ സാമൂഹ്യ പ്രവർത്തകനായ എം.കെ സലീം രാങ്ങാട്ടൂരിനെയും ഷാർജ ദൈദ് കെ.എം.സി.സി ക്ക് വേണ്ടി യു.എ.ഇ കെ.എം.സി.സി. പ്രസിഡന്റ് പുത്തൂർ റഹ്മാൻ ആദരിച്ചു.
ഗഫൂർ തൃത്താല,മുനീർ തിരുവമ്പാടി,ദുബൈ കെ.എം.സി.സി കോട്ടക്കൽ മുൻസിപ്പൽ പ്രസിഡന്റ് മുസ്തഫ പുളിക്കൽ,അബുദാബി കെ.എം.സി.സി ജനറൽ സെക്രട്ടറി ഷഫീർ വില്ലൂർ, നസീർ ബാബു വില്ലൂർ, തുടങ്ങിയവർ സംസാരിച്ചു ദൈദ് കെ.എം.സി.സി. ജനറൽ സെക്രട്ടറി ജീലാനി മണ്ണാർക്കാട് സ്വാഗതവും,അഷ്‌റഫ് കൂരാട് നന്ദിയും പറഞ്ഞു.
നിസാർ തൃത്താല,ഇസ്മാഈൽ ചുള്ളിയോട്, അബ്ദുല്ല തിരുവനന്ത പുരം, എം.പി അബ്ദുൽ കരീം, മുഹമ്മദലി രാങ്ങാട്ടൂർ തുടങ്ങിയവർ സി.എച് അനുസ്മരണ പരിപാടിക്ക് നേതൃത്വം നൽകി.