വേങ്ങര: ടീൻ ഇന്ത്യ വേങ്ങര ഏരിയ കമ്മിറ്റിക്കു കീഴിൽ നടന്ന ഫുട്ബോൾ ടൂർണമെന്റ് ചെറേക്കാട് ധർമ്മഗിരി കോളേജ് ചെയർമാൻ പി. കുഞ്ഞാവ ഉദ്ഘാടനം ചെയ്തു. ധർമഗിരി കോളേജ് ടർഫ് ഗ്രൗണ്ടിൽ നടന്ന മത്സരത്തിൽ ടീൻ ഇന്ത്യയുടെ വിവിധ യൂണിറ്റുകളിൽ നിന്ന് ടീമുകൾ പങ്കെടുത്തു. ജമാഅത്തെ ഇസ്‌ലാമി ഏരിയ ഉപാധ്യക്ഷൻ കെ. അബ്ദുൽ മജീദ് കളിക്കാരെ പരിചയപ്പെട്ടു. പുള്ളാട്ട് റഫീഖ്, നജീബ്, പി. ഇ നൗഷാദ്, കെ. സി ഷാഫി എന്നിവർ കളി നിയന്ത്രിച്ചു. ശറഫുദ്ധീൻ ഉമർ, പി. സകരിയ, ഫൈസൽ ധർമഗിരി, എന്നിവർ നേതൃത്വം നൽകി. തെരഞ്ഞെടുത്ത ടീമിനെ ജില്ല ടൂർണമെന്റിൽ പങ്കെടുപ്പിക്കും. ഇവർക്ക് പരിശീലനവും നൽകുമെന്ന് ബന്ധപ്പെട്ടവർ അറിയിച്ചു.