കണ്ണമംഗലം: പിണറായി പോലീസ് ആർഎസ്എസ് കൂട്ടുകെട്ട്, കേരളത്തെ തകർക്കുന്നു എന്ന പ്രമേയംമുയർത്തി എസ്ഡിപിഐ സംസ്ഥാന വ്യാപകമായി നടത്തുന്ന ജന ജാഗ്രതാ കാംപയിനിന്റെ ഭാഗമായി ഒക്ടോബർ 25 ന് വേങ്ങര നിയോജക മണ്ഡലം പ്രസിഡന്റ്‌ ഷെരീഖാൻ മാസ്റ്റർ നയിക്കുന്ന ജന ജാഗ്രത റാലിയും പൊതുസമ്മേളനത്തിന്റെയും പ്രചരണാർത്ഥം വാഹന പ്രചരണവും എസ്ഡിപിഐ
കണ്ണമംഗലം പഞ്ചായത്ത് പ്രസിഡന്റ്‌ കോയിസ്സൻ ഷാജഹാൻ നയിച്ച പദയാത്രയും സംഘടിപ്പിച്ചു.
പഞ്ചായത്തിലെ വിവിധ പ്രദേശങ്ങളിലെ വാഹന പ്രചാരണത്തിന് ശേഷം വൈകുന്നേരം 5 മണിക്ക് ഇ കെ പടിയിൽ നിന്നും അച്ചനമ്പലത്തേക്ക് പഞ്ചായത്ത് പ്രസിഡന്റ്‌ നയിച്ച പദയാത്ര മലപ്പുറം ജില്ല വൈസ് പ്രസിഡന്റ്‌ അരിക്കൻ ബിരാൻകുട്ടി പതാക കൈമാറി കൊണ്ട് ഉദ്ഘാടനം ചെയ്തു.
സമാപന സമ്മേളനത്തിൽ ജില്ലാ കമ്മിറ്റി അംഗം ഫത്താഹ് മാസ്റ്റർ പൊന്നാനി മുഖ്യപ്രഭാഷണം നടത്തി.
പഞ്ചായത്തിലെ വിവിധ സ്ഥലങ്ങളിൽ സി എം സഹദുദ്ദീൻ, അഷ്റഫ് പൂവിൽ,ഇ കെ അബ്ദുൽ നാസർ, മുനീർ കോയിസ്സൻ എന്നിവർ സംസാരിച്ചു.വേങ്ങര ലൈവ്. എ കെ റഹൂഫ്, കണ്ണേത്ത് നൗഷാദ്, പനക്കൻ സിദ്ദീഖ്, ചുക്കൻ അബൂബക്കർ, സി ടി ഷുക്കൂർ, സി ടി ലത്തീഫ് ബർക്കത്ത് ബഷീർ എന്നിവർ നേതൃത്വം നൽകി.