വേങ്ങര: വേങ്ങര ഗ്രാമപഞ്ചായത്തിൽ നെഹ്‌റു യുവ കേന്ദ്ര നാഷണൽ യൂണിറ്റി ഡേ യുടെ ഭാഗമായി വേങ്ങര പഞ്ചായത്തുമായി സഹകരിച്ച് പി പി ടി എം ആർട്സ് & സയസ് ചേറൂർ കോളേജിലെ നൂറോളം വിദ്യാർത്ഥികൾ പങ്കെടുത്ത റൺ ഫോർ യൂണിറ്റി സംഘടിപ്പിച്ചു.
തുടർന്ന് വിദ്യാർത്ഥികൾ അഞ്ചു ഗ്രൂപ്പുകളായി തിരിഞ്ഞു വേങ്ങര ബസ്റ്റാന്റ് മുതൽ ബ്ലോക് ഓഫീസ് വരെ വൃത്തിയാക്കുകയും അതിനെതുടർന്ന് എംസിഫ് സന്ദർശിക്കുകയും ചെയ്തു. എംസിഫിൽ വെച്ച് ഹരിതകർമ സേന കോർഡിനേറ്റർ ജിനിഭാസ് ക്ലാസ്സ്‌ എടുത്തു. ഹരിതകർമസേന അംഗങ്ങൾ ചെയ്യുന്ന വിവരങ്ങൾ വിശദീകരിക്കുകയും ചെയ്തു.
പഞ്ചായത്ത്‌ പ്രസിഡന്റ്‌ ഹസീന ഫസൽ ഉദ്ഘാടനം ചെയ്തു. പ്രിൻസിപ്പൽ കുഞ്ഞിമുഹമ്മദ് അധ്യക്ഷത വഹിച്ചു. ജില്ലാ യൂത്ത് ഓഫീസർ ഉണ്ണികൃഷ്ണൻ, ബ്ലോക്ക്‌ കോർഡിനേറ്റർമാരായ അസ്‌ലം, രഞ്ജിത് എന്നിവർ സംസാരിച്ചു. എൻ എസ് എസ് വോളിണ്ടിയർ ആസാദ്‌ തുടങ്ങിയവർ പങ്കെടുത്തു.