വേങ്ങര: ഐ എസ് ആർ ഒ വിജയകരമായി നടത്തിയ SSLV-D3/EOS-08 എന്ന റോക്കറ്റ് വിക്ഷേപണത്തിൽ പങ്കാളിയായ കെ കെ സജീഷിന് വാർഡ് മെമ്പർ അബ്ദുൽ കരീം ടി ടി യുടെ സ്നേഹാദരം.
വേങ്ങര ഗ്രാമപഞ്ചായത്ത് പാക്കടപ്പുറായ അഞ്ചാം വാർഡിലെ സജീഷ് കെ കെ റോക്കറ്റുകൾക്കും കപ്പലുകൾക്കും ആവശ്യമായ വിവിധതരം സെൻസറുകൾ നിർമിക്കുന്ന കേരള സർക്കാർ സ്ഥാപനമായ കുറ്റിപ്പുറത്തെ KELTRON യൂണിറ്റിൽ ഡെപ്യൂട്ടി മാനേജർ ആയാണ് ജോലി ചെയ്യുന്നത്.
16-08-2024 നു ഐ എസ് ആർ ഒ വിജയകരമായി നടത്തിയ SSLV-D3/EOS-08 വിക്ഷേപണത്തിന് "വൈബ്രേഷൻ പിക്ക് അപ്പ് സെൻസറുകൾ" നിർമിച്ച് നൽകുന്നതിന് നേതൃത്വം നൽകിയത് സജീഷ് കെ കെ ആയിരുന്നു.വേങ്ങര ലൈവ്.ബഹിരാകാശ വാഹനങ്ങളുടെ സൂക്ഷ്മ ചലനങ്ങൾ അളക്കുന്നതിനുള്ള ഉപകരണമാണ് "വൈബ്രേഷൻ പിക്ക് അപ്പ് സെൻസർ". ശ്രീഹരിക്കോട്ടയിൽ നടന്ന വിക്ഷേപണം പൂർണ വിജയമായിരുന്നു.
ഇന്ത്യയുടെ അഭിമാന ദൗത്യമായ ഗഗൻയാൻ അടക്കമുള്ള തുടർ വിക്ഷേപണങ്ങളിലേക്കുള്ള ക്ഷണവും കൂടി ഐ എസ് ആർ ഒ യുടെ ഭാഗത്തു നിന്നും സജീഷിന് ലഭിച്ചതിൽ വാർഡ് മെമ്പർ എന്ന നിലയിൽ അബ്‌ദുൾ കെരീം ടി ടി യുടെ നേതൃത്വത്തിൽ കെ കെ സജീഷിനെ അഭിനന്ദിക്കുകയും മൊമെന്റോ നൽകി ആദരിക്കുകയും ചെയ്തു.
ചടങ്ങിൽ സാമൂഹ്യ പ്രവർത്തകരും നാട്ടുകാരുമായ പി എച്ച് ഫൈസൽ, എ പി അബൂബക്കർ, ഇസ്മായിൽ എൻ, രവി സി എം, ഹനീഫ ടി ടി, ഫിറോസ് ചെമ്പൻ, ഗിരീഷ് വി ടി, അബൂബക്കർ ചാലിൽ, എന്നിവരും പങ്കെടുത്തു.