പറപ്പൂർ: എസ് ഡി പി ഐ ഇരിങ്ങല്ലൂർ ബ്രാഞ്ച് ഓഫീസ് ഉദ്ഘാടനം പാലാണിയിൽ എസ് ഡി പി ഐ ജില്ലാ സമിതി അംഗം കല്ലൻ അബൂബക്കർ മാസ്റ്റർ നിർവഹിച്ചു.
ജനങ്ങൾ തിരിച്ചടി നൽകിയ ഒരു ഇലക്ഷന് ശേഷവും രാജ്യത്തിന്റെ വികസന പ്രവർത്തനങ്ങൾ ഒന്നും അജണ്ടയിലില്ലാതെ രാജ്യമൊട്ടുക്കും വർഗീയത ആളികത്തിച്ചു ബിജെപി മുന്നോട്ട് പോകുമ്പോൾ ഇതിനെതിരെ പ്രതിഷേധിക്കാൻ ഇന്ത്യ മുന്നണിയടക്കം മുന്നോട്ട് വരാത്ത സാഹചര്യം ദേശീയ തലത്തിൽ എസ് ഡി പി ഐ യുടെ പ്രസക്തിയും ഉത്തരവാദിത്വയും വർധിച്ചതായി അബൂബക്കർ മാസ്റ്റർ പറഞ്ഞു.
ഉദ്ഘാടനയോഗത്തിനു എസ് ഡി പി ഐ പറപ്പൂർ പഞ്ചായത്ത്‌ ആക്ടിങ് പ്രസിഡന്റ് ഇ. മുഹമ്മദലി (ചെറീത്) അധ്യക്ഷത വഹിച്ചു. സെക്രട്ടറി ഗഫൂർ മാടക്കൻ, സിപി റഹീം, ഷറഫു പാലാണി, സിദ്ധീഖ് എന്നിവർ സംസാരിച്ചു.വേങ്ങര ലൈവ്.ബ്രാഞ്ച് പ്രസിഡന്റ് യുസുഫ്, സെക്രട്ടറി റഷീദ് ഇരിങ്ങല്ലൂർ, വൈസ് പ്രസിഡന്റ് ഹസ്സൻ, മുഹമ്മദ്‌, ഹാരിസ്, അബ്ബാസ് എന്നിവർ നേതൃത്വം നൽകി.
ഉദ്ഘാടനത്തോടനുബന്ധിച്ച് പാലാണി അങ്ങാടിയിൽ പായസ വിതരണവും നടത്തി.