വേങ്ങര: ദേശീയ തലത്തിൽ മുസ്‌ലിം ലീഗ് പാർട്ടിക്ക് കൂട്ടായി ഏഴ് വർഷമായി പ്രവർത്ഥിച്ച് വരുന്ന നാഷണൽ പൊളിറ്റിക്സ് ഗ്രൂപ്പിന്റെ ഏഴാം വാർഷിക ലോഗോ പ്രകാശനം പാണക്കാട് സയ്യിദ് സാദിഖലി ശിഹാബ് തങ്ങൾ നിർവഹിച്ചു.
ഇന്ത്യയിലെ വിവിധ സംസ്ഥാനനങ്ങളിൽ വിദ്യാഭ്യാസ സാംസ്കാരിക കാരുണ്യ രംഗത്ത് വിലപ്പെട്ട പദ്ധതികളും പ്രൊജക്റ്റ്കളും ഇതിനകം ചെയ്തു കഴിഞ്ഞ നാഷണൽ പൊളിറ്റിക്സ് മലപ്പുറം, ആലപ്പുഴ, വയനാട്, കാസർഗോഡ്, കണ്ണൂർ, പത്തനംതിട്ട ജില്ലകളിൽ
ആറ് വാർഷികം നടത്തിയതിന് ശേഷമാണ് സെപ്റ്റംബർ 1 ന് കൊല്ലം കൊട്ടിയത്ത് വെച്ച് ബ്രോഡ്കാസ്റ്റ് എന്ന പേരിൽ ഏഴാം വാർഷികം സംഘടിപ്പിച്ചിട്ടുള്ളത്.
കേരളത്തിലെ പന്ത്രണ്ട് ജില്ലകളിൽനിന്നും തമിഴ്നാട്ടിലെ നീലഗിരി ജില്ലയിൽ നിന്നുമായി 200 ലധികം പ്രതിനിധികൾ വാർഷിക സംഗമത്തിൽ പങ്കെടുക്കും.
പാണക്കാട് നടന്ന ലോഗോ പ്രകാശന ചടങ്ങിൽ സെസ്സ് ജനറൽ കൺവീനർ പുള്ളാട്ട് ഷംസുദ്ധീൻ അധ്യക്ഷത വഹിച്ചു. മുസ്‌ലിം ലീഗ് ദേശീയ ജനറൽ സെക്രട്ടറി പി കെ കുഞ്ഞാലികുട്ടി മുഖ്യാഥിതിയായി. എം എം അക്ബർ, ടിപിഎം ബഷീർ, അലി മേലേതിൽ, ഹുസൈൻ ഊരകം, ഇല്യാസ് പി സി, അദ്നാൻ പുളിക്കൽ, വി കെ അമീർ ഊരകം, ഹാഷിം പുകയൂർ തുടങ്ങിയവർ പങ്കെടുത്തു.