വേങ്ങര: ഗ്രാമപഞ്ചായത്ത് സായാപ്രഭാ ഹോമിന്റെ പ്രവർത്തനങ്ങൾ മനസ്സിലാക്കുന്നതിനുവേണ്ടി മലപ്പുറം ജില്ലയിലെ വിവിധ പഞ്ചായത്ത് പ്രസിഡന്റ്മാർ ഒരുമിച്ച് വേങ്ങര സായംപ്രഭയിൽ എത്തിയപ്പോൾ. പൂക്കോട്ടൂർ, നന്നമ്പ്ര, ചേക്കാട്, കാവനൂർ, കോഡൂർ, പറപ്പൂർ, കുഴിമണ്ണ, പള്ളിക്കൽ, മൂന്നിയൂർ, ഒതുക്കുങ്ങൽ തുടങ്ങിയ വിവിധ പഞ്ചായത്തുകളിൽ നിന്നാണ് പ്രസിഡന്റ്മാർ എത്തിയത്. ഹോമിൽ എത്തിയ ജനപ്രതിനിധികൾക്ക് സായംപ്രഭയിലെ മുതിർന്ന പൗരന്മാർ പൂക്കൾ നൽകി സ്വീകരിച്ചു. തുടർന്ന് വേങ്ങര ഗ്രാമപഞ്ചായത്ത് ജനപ്രതിനിധികളോടും ഉദ്യോഗസ്ഥരോടും സായംപ്രഭയുടെ പ്രവർത്തനരീതി ചോദിച്ചു മനസ്സിലാക്കുകയും വേങ്ങരയിലെ മുതിർന്ന പൗരന്മാരുമായി ചർച്ച നടത്തുകയും ചെയ്തു.
സായംപ്രഭാ ഹോമിന്റെ കലാ ടീം അതിഥികൾക്ക് വേണ്ടി സംഗീതവിരുന്ന് ഒരുക്കി.വേങ്ങര ലൈവ്.വേങ്ങര എത്തിയ വിവിധ പഞ്ചായത്ത് അധ്യക്ഷന്മാരെ സ്വീകരിക്കുന്നതിനും യാത്രയക്കുന്നതിനുവേണ്ടി വേങ്ങര ബ്ലോക്ക് പഞ്ചായത്ത് പ്രസിഡന്റ്‌ ബെൻസീർ ടീച്ചറും, വേങ്ങര ഗ്രാമപഞ്ചായത്ത് പ്രസിഡണ്ട് ഹസീന ഫസലും നേതൃത്വം നൽകി.