അമ്പലമാട്: ആധുനിക യുഗത്തിൽ ജാതി, മത, വർഗ, വർണങ്ങൾക്കതീതമായി മാനവ മൂല്യങ്ങൾ ഉയർത്തിപ്പിടിച്ച് മനുഷ്യരെ കൂട്ടി യോജിപ്പിക്കുന്ന മഹത്തായ സന്ദേശം ഉൾക്കൊള്ളുന്ന ലോകത്തിലെ ഏറ്റവും വലിയ കായികോത്സവമായ ഒളിമ്പിക്സിന് പിന്തുണയേകി ഇരിങ്ങല്ലൂർ എ എം എൽ പി സ്കൂളിലെ വിദ്യാർത്ഥികൾ ദീപശിഖാ പ്രയാണം നടത്തി. അമ്പലമാട് ഫെയ്മസ് ക്ലബ്ബ് ഭാരവാഹികളും ഹെഡ്മാസ്റ്റർ സിപി രായീൻ കുട്ടി മാസ്റ്ററും ചേർന്ന് ദീപശിഖാ പ്രയാണം ഉദ്ഘാടനം ചെയ്തു.
ഒളിമ്പിക്സ് മാതൃകയിൽ നവംബറിൽ എറണാകുളത്ത് നടക്കുന്ന സംസ്ഥാന സ്കൂൾ ഒളിമ്പിക്സ് മത്സരങ്ങൾക്ക് ഐക്യദാർഡ്യം പ്രഖ്യാപിച്ച് പ്രത്യേക അസ്സംബ്ലി ചേർന്ന് വിദ്യാർത്ഥികൾ പ്രതിജ്ഞയെടുത്തു. അധ്യാപകർ ആശംസകൾ നേർന്നു.