സമസ്ത കേരള സുന്നി യുവജന സംഘം അറുപതാം വാര്‍ഷിക സമ്മേളനത്തിന്റെയും സമസ്ത പ്രസിഡന്റായിരുന്ന താജുല്‍ ഉലമ സയ്യിദ് അബ്ദുറഹ്‌മാന്‍ അല്‍ ബുഖാരി തങ്ങളുടെയും സ്മാരകമായി എടരിക്കോട് നിര്‍മ്മാണം നടന്നുകൊണ്ടിരിക്കുന്ന താജുല്‍ ഉലമ ടവറിലെ എസ് വൈ എസ് മലപ്പുറം വെസ്റ്റ് ജില്ല യൂത്ത് സ്ക്വയർ പ്രവർത്തനമാരംഭിച്ചതോടനുബന്ധിച്ച് നടത്തപ്പെടുന്ന കുടിയിരിക്കൽ ജൂലൈ 12 വെള്ളി വൈകുന്നേരം 4 മണിക്ക് ചായ സൽക്കാരത്തോടെ നടന്നു. ഇന്നലെ നടന്ന ഒന്നാം ഘട്ട കൂടിയിരിക്കലിൽ തിരൂരങ്ങാടി, പുത്തനത്താണി, കോട്ടക്കൽ, താനൂർ, തിരൂർ സോണുകളിൽ നിന്നുള്ള പ്രതിനിധികൾ പങ്കെടുത്തു. ജില്ലാ അധ്യക്ഷൻ സയ്യിദ് ജലാലുദ്ധീൻ ജീലാനി വൈലത്തൂർ അധ്യക്ഷത വഹിച്ചു. അലി ബാഖവി ആറ്റുപുറം മുഖ്യപ്രഭാഷണം നടത്തി. കേരള മുസ്ലിം ജമാഅത്ത് ഉപാധ്യക്ഷൻ സയ്യിദ് സ്വലാഹുദ്ധീൻ ബുഖാരി, എസ് വൈ എസ് ജില്ലാ ജനറൽ സെക്രട്ടറി കുഞ്ഞിമുഹമ്മദ് സഖാഫി പറവൂർ, ബഷീർ പറവന്നൂർ പ്രഭാഷണം നടത്തി. സയ്യിദ് സീതിക്കോയ തങ്ങൾ, അബ്ദുൽ മജീദ് അഹ്സനി ചെങ്ങാനി, മുനീർ പാഴൂർ, ഫഖ്റുദ്ധീൻ സഖാഫി ചെലൂർ, ഇബ്രാഹീം ബാഖവി ഊരകം, ഉമർ ഷരീഫ് സഅദി, എൻ എം സൈനുദ്ദീൻ സഖാഫി വെന്നിയൂർ, ഉസ്മാൻ ചെറുശോല , ഡോ മുഹമ്മദ് ഫൈള് എന്നിവർ സംബന്ധിച്ചു.
ജൂലൈ 14 ഞായഴ്ച വൈകുന്നേരം 4 മണിക്ക് നടക്കുന്ന രണ്ടാം ഘട്ട കുടിയിരിക്കലിൽ
പൊന്നാനി, എടപ്പാൾ, വളാഞ്ചേരി, തേഞ്ഞിപ്പലം, പരപ്പനങ്ങാടി, വേങ്ങര സോണുകളിലെ 317 യൂണിറ്റുകളിൽ നിന്നുളള പ്രതിനിധികൾ പങ്കെടുക്കും. രണ്ടാംഘട്ട കുടിയിരിക്കലിന് അലി ബാഖവി ആറ്റുപുറം, എസ് വൈ എസ് സംസ്ഥാന ഫിനാൻസ് സെക്രട്ടറി അബൂബക്കർ മാസ്റ്റർ തുടങ്ങി പ്രമുഖർ പങ്കെടുക്കും.