വേങ്ങര: എസ്.എസ്എൽസി ,പ്ലസ്ടു , മെഡിക്കൽ , എൻജിനിയറിങ്ങ് തുടങ്ങിയ ഉന്നത പരീക്ഷകളിൽ വിജയം നേടിയ കുടുംബത്തിലെ പ്രതിഭകളെ അഞ്ചുകണ്ടൻ ഫാമിലി അസോസിയേഷൻ (അക്ഫ) വിദ്യാഭ്യാസ അവാർഡുകൾ നൽകി ആദരിച്ചു.
പ്രസ്തുത ചടങ്ങിൽ വെച്ച് ഇന്ത്യൻ ഫുട്ബോൾ ടീമിലേക്ക് തിരഞ്ഞെടുക്കപ്പെട്ട ഹൈദരാബാദ് എഫ്സി താരവും അഞ്ചുകണ്ടൻ കുടുംബാംഗവുമായ മുഹമ്മദ് റബീഹിനുള്ള സ്വീകരണവും സംഘടിപ്പിച്ചു .
വേങ്ങര എ കെ മാൻഷൻ ഓഡിറ്റോറിയത്തിൽ നടന്ന ചടങ്ങിൽ
അക്ഫ വര്ക്കിങ് പ്രസിഡന്റ് എ. കെ കുഞിമുഹമ്മദ് അധ്ക്ഷത വഹിച്ചു .ജനറൽ സെക്രട്ടറി എ. കെ
കുഞ്ഞാലൻ കുട്ടി ഉത്ഘാടനം ചെയ്തു. എ.കെ കുഞ്ഞീതുട്ടി ഹാജി , എ കെ എ നസീർ , എ.കെ സലിം, എ.കെ.സി യാസർ ,എ.കെ.പി നാസർ എന്നിവർ സംസാരിച്ചു .
അവാർഡ് ഏറ്റ് വാങ്ങിയ വിദ്യാർത്ഥികളും ഇന്ത്യൻ ഫുട്ബോൾ താരം അബ്ദുൽ റബീഹും മറുപടി പ്രസംഗം നടത്തി.
ചടങ്ങിന് അയൂബ് മാസ്റ്റർ പൂച്ചാലമാട് സ്വാഗതവും എ. കെ. പി നാസർ നന്ദിയും രേഖപ്പെടുത്തി.