വേങ്ങര: സന്നദ്ധ സംഘടനകളുടെ സ്വതന്ത്ര ദേശീയ കൂട്ടായ്മയായ നാഷണൽ എൻ.ജി.ഒ കോൺഫെഡറേഷൻ നടപ്പിലാക്കുന്ന കമ്മ്യൂണിറ്റി ഡവലപ്മെന്റ് ഇനീഷ്യേറ്റീവ് പദ്ധതിയിൽ ഉൾപ്പെട്ട സാമൂഹ്യ സംരംഭകത്വ വികസന പരിപാടിയുടെ ഭാഗമായി 50% സാമ്പത്തിക സഹായത്തോടെയുള്ള
വേങ്ങര കൊർദോവ എൻ.ജി.ഒ യുട നേതൃത്വത്തിൽ 52 തയ്യൽ മെഷീൻ വിതരണവും ഡിജിറ്റൽ ട്രാൻസ്ഫർമേഷൻ പദ്ധതിയുടെ ഭാഗമായുള്ള വിദ്യാർത്ഥികൾക്കായുള്ള 12 ലാപ്ടോപ്പ് വിതരണവും നാളെ രാവിലെ 9.30 ന് വലിയോറ പാണ്ടികശാലയിൽ വെച്ച് ഡോ. എം.പി അബ്ദുസമദ് സമദാനി സാഹിബ് എം പി ഉദ്ഘാടനം നിർവ്വഹിക്കുമെന്ന് ഭാരവാഹികൾ വാർത്താ സമ്മേളനത്തിൽ പറഞ്ഞു.
ചടങ്ങിന് വേങ്ങര ഗ്രാമപഞ്ചായത്ത് പ്രസിഡണ്ട് കെ.പി ഹസീന ഫസൽ അധ്യക്ഷതവഹിക്കും. എൻജിഒ കോൺഫെഡറേഷൻ ദേശീയ ഭാരവാഹികളായ കെ.എൻ.ആനന്ദകുമാർ , കെ.അനന്ദു കൃഷ്ണൻ എന്നിവർ മുഖ്യാതിഥികളാവും. എൻ.ജി.ഒ കോൺഫെഡറേഷൻ മലപ്പുറം ജില്ലാ സെക്രട്ടറി അഡ്വ: മുസ്തഫ പരതക്കാട്പദ്ധതി വിശദീകരിക്കും. മലപ്പുറം ജില്ലാ പഞ്ചായത്ത് മെമ്പർ ടി.പിഎം ബഷീർ, വേങ്ങര ഗ്രാമപഞ്ചായത്ത് വൈസ് പ്രസിഡണ്ട് ടി.കെ കുഞ്ഞുമുഹമ്മദ്, വേങ്ങര ബ്ലോക്ക് പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ എം. സുഹിജാബി , വേങ്ങര ഗ്രാമപഞ്ചായത്ത് സ്റ്റാൻഡിങ് കമ്മിറ്റി ചെയർമാൻ എ കെ സലിം, വേങ്ങര ബ്ലോക്ക് പഞ്ചായത്ത് അംഗം പറങ്ങോടത്ത് അബ്ദുൽ അസീസ്, വേങ്ങരഗ്രാമപഞ്ചായത്ത് അംഗങ്ങളായ മടപ്പള്ളി മജീദ്, എ കെ നഫീസ,,വേങ്ങര ഗ്രാമപഞ്ചായത്ത് മുൻ പ്രസിഡണ്ട് വികെ കുഞ്ഞാലൻ കുട്ടി വിവിധരാഷ്ട്രീയ പാർട്ടി പ്രതിനിധികളായ പറമ്പിൽ ഖാദർ, വി. ശിവദാസ് , കെ.രാധാകൃഷ്ണൻ മാസ്റ്റർ,കെ നയിം, ടി.സമദ്,പി എച്ച് ഫൈസൽ എന്നിവർ ചടങ്ങിൽ സംബന്ധിക്കും.
വാർത്താ സമ്മേളനത്തിൽ കൊർദോവ എൻ.ജി.ഒ ചെയർമാനും വേങ്ങര ഗ്രാമപഞ്ചായത്ത് മെമ്പറുമായ യൂസുഫലി വലിയോറ, ഭാരവാഹികളായ എം. ശിഹാബുദ്ദീൻ, എ.കെ. ഇബ്രാഹിം, കെ. മുസ്തഫ, ടി.മുഹമ്മദ് റഫീഖ്,എന്നിവർ പങ്കെടുത്തു.