വേങ്ങര: ബാലഗോകുലത്തിന്റെ നേതൃത്വത്തിൽ പാക്കടപ്പുറായയിൽ ശോഭായാത്ര വൈകീട്ട് നാലിന് ആരംഭിച്ച് കരിങ്കാളി ക്ഷേത്രത്തിൽ സമാപിക്കുമെന്ന് സംഘാടകർ അറിയിച്ചു.
കണ്ണമംഗലത്ത് മഹാശോഭായാത്ര നടക്കും. ബുധനാഴ്ച വൈകീട്ട് നാലിന് തീണ്ടേക്കാട് നിന്നാരംഭിച്ച് തോട്ടശ്ശേരിയറ അയ്യപ്പഭജനമഠത്തിൽ സമാപിക്കും.
കൃഷ്ണവേഷങ്ങൾ, ഗോപികാ നൃത്തം, നിശ്ചലദൃശ്യങ്ങൾ, ഭജന സംഘങ്ങൾ തുടങ്ങിയവ ശോഭയാത്രയിൽ അണിനിരക്കുമെന്ന് ആഘോഷസമിതി അധ്യക്ഷൻ എൻ.കെ. ശ്രീധർ, സെക്രട്ടറി ജജീഷ്, ആഘോഷപ്രമുഖ് എം.വി. ജയരാജൻ എന്നിവർ അറിയിച്ചു.
എ.ആർ. നഗർ : ശ്രീ മുരുക ബാലഗോഗുലത്തിന്റെ നേതൃത്വത്തിലുള്ള ശോഭായാത്ര ബുധനാഴ്ച വൈകീട്ട് നാലിന് കൊളപ്പുറത്തുനിന്നാരംഭിച്ച് കൊടുവായൂർ ശ്രീ സുബ്രഹ്മണ്യസ്വാമി ക്ഷേത്രത്തിൽ സമാപിക്കുമെന്ന് ആഘോഷകമ്മിറ്റി ഭാരവാഹികൾ അറിയിച്ചു.