വേങ്ങര: പരപ്പിൽ പാറ യുവജനസംഘം (PYS) - ന്റെ ആഭിമുഖ്യത്തിൽ ഓണാഘോഷ സമാപനത്തോടനുബന്ധിച്ച് ഓണത്തിമിർത്ത് എന്ന പേരിൽ ഓണാഘോഷ പരിപാടി സംഘടിപ്പിച്ചു. രാവിലെ 10-ന് പുക്കളം ഒരുക്കികൊണ്ട് തുടക്കം കുറിച്ച പരിപാടി വിവിദ കലാപരിപാടികളും ഗെയിംസുകളുമായി വൈകിട്ട് 6-ന് സമാപിച്ചു.
ക്ലബ്ബ് രക്ഷാധികാരി എ.കെ എ നസീർ പരിപാടി ഉദ്ഘാടനം ചെയ്തു. ക്ലബ്ബ് രക്ഷാധികാരി ഹാരിസ് മാളിയേക്കൽ ഓണ സന്ദേശം നൽകി.ക്ലബ്ബ് പ്രസിഡന്റ് സഹീർ അബ്ബാസ് നടക്കൽ, സെക്രട്ടറി അസീസ് കൈപ്രൻ, അങ്കണവാടി വർക്കർ ബ്ലസി , സമദ് കെ , ജംഷീർ ഇ കെ , അമൃത കെ, സവിത വി, ദിൽഷാൻ ഇ കെ എന്നിവർ പ്രസംഗിച്ചു.
മാവേലിയും, പുലിയും, വേട്ടക്കാരനും പരിപാടിക്ക് എത്തിയതോടെ പരിപാടിക്ക് കൂടുതൽ ആവേശം നൽകി. സ്ത്രീകളും , കുട്ടികളും പങ്കെടുത്ത മത്സരങ്ങളിൽ വിജയികൾക്ക് സമ്മാനങ്ങൾ പരിപാടിയിൽ വെച്ച് വിതരണം ചെയ്തു.
