വേങ്ങര: സെപ്തംബർ -8 ലോക സാക്ഷരതാ ദിനത്തോടനുബന്ധിച്ച് വേങ്ങര ബ്ലോക്ക്‌ സാക്ഷരതാ മിഷന്റെ നേതൃത്വത്തിൽ പതാക ഉയർത്തലും മുൻകാല സാക്ഷരത പ്രവർത്തകനായ ഇ കെ സുബൈർ മാസ്റ്ററെ ആദരിക്കലും സംഘടിപ്പിച്ചു. ചടങ്ങിൽ ബ്ലോക്ക്‌ ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ സുഹിജാബി അധ്യക്ഷം വഹിച്ചു. ബ്ലോക്ക്‌ പഞ്ചായത്ത് പ്രസിഡന്റ് ബെൻസീറ ടീച്ചർ പതാക ഉയർത്തി.
മുൻകാല സാക്ഷരതാ പ്രവർത്തകനും തുല്യത അധ്യാപകനുമായ ഇ കെ സുബൈർ മാസ്റ്ററെ ആദരിച്ചു.
ചടങ്ങിൽ വികസന സ്റ്റാൻഡിങ് കമ്മിറ്റി ചെയർപേഴ്സൺ കുന്നുമ്മൽ സഫിയ,ബ്ലോക്ക്‌ മെമ്പർ പറങ്ങോടത്ത അസീസ് ,ബ്ലോക്ക്‌ ബി ഡി ഒ അനീഷ് , നോഡൽ പ്രേരക് ആബിദ പി, പ്രേരക് മാരായ ശ്രീദേവി പി ടി, മുനീറ സി, സായം പ്രഭ കെയർ ഗിവർ ഇബ്രാഹിം എ കെ, അബു ഹാജി എന്നിവർ സംസാരിച്ചു.
സാക്ഷരത ദിനത്തെ കുറിച്ച് തുല്യത അധ്യാപകനായ സുരേഷ് കുമാർ കെ പി ക്ലാസ്സ്‌ എടുത്തു. സാക്ഷരത പഠിതാകൾക്ക് ക്വിസ്സ് മത്സരം നടത്തി. റിസ്‌വാന പാർവിൻ, അബ്ദുൽ മജീദ് യു എം,ഷീബ എ കെ എന്നിവർ ഒന്നും രണ്ടും മൂന്നും സ്ഥാനങ്ങൾ കരസ്ഥമാക്കി. വിജയികൾക്ക് ബ്ലോക്ക്‌ പ്രസിഡന്റ് സമ്മാനദാനവും നടത്തി.