കോട്ടക്കൽ: മാറാക്കര എ.യു.പി.സ്കൂളിൽ നടന്ന ദേശീയ അധ്യാപക ദിനാചരണ പരിപാടി പ്രൗഢമായി. ചടങ്ങിൽ ഏറ്റവും നല്ല അധ്യാപകനുള്ള ജോസഫ് മുണ്ടശ്ശേരി മാഷ് അവാർഡ് നേടിയ എ.കെ.സുധാകരൻ മാസ്റ്ററിന് മാതൃ സ്കൂളിൽ ആദരവ് നൽകി.പി.ടി.എ പ്രസിഡണ്ട് മുഹമ്മദലി പള്ളിമാലിൽ ഉദ്ഘാടനം നിർവ്വഹിച്ചു. സീനിയർ അധ്യാപിക പി.എം. രാധ അധ്യക്ഷത വഹിച്ചു. ഷാബു ചാരത്ത്, കെ.ബേബി പത്മജ, കെ.എസ്.സരസ്വതി, പി.പി.മുജീബ് റഹ്മാൻ എന്നിവർ സംസാരിച്ചു. സ്കൂളിലെ പൂർവ്വാധ്യാപകനായ പി.ദാമോദരൻ മാസ്റ്ററെ ആദരിച്ചു.