മലപ്പുറം: എസ്.വൈ.എസ് ഈസ്റ്റ് ജില്ലാ കമ്മിറ്റിയുടെ ആഭിമുഖ്യത്തിൽ ഘടക ശാക്തീകരണം ലക്ഷ്യമിട്ട് നടക്കുന്ന ചങ്ങാത്തം - 2 ന് തുടക്കമായി. ജില്ലാ ഭാരവാഹികളുടെ നേതൃത്വത്തിൽ ഈസ്റ്റ് ജില്ലയിലെ 11 സോണുകളിലേക്കും ചങ്ങാത്തം എന്ന പേരിൽ സംഗമം നടത്തിയിരുന്നു. ഇതിന്റെ തുടർച്ചയായി ഈസ്റ്റ് ജില്ലയിലെ 83 സർക്കിളുകളിലും സെപ്തംബർ 1 മുതൽ 15 വരെ ജില്ലാ നേതാക്കൾ പങ്കെടുക്കുന്ന ചങ്ങാത്തം നടക്കും.
സർക്കിൾ എക്സിക്യൂട്ടീവ് അംഗങ്ങൾ പങ്കെടുക്കുന്ന സംഗമങ്ങൾക്ക് ജില്ലാ ഭാരവാഹികളും ജില്ലാ പ്രവർത്തക സമിതി അംഗങ്ങളും നേതൃത്വം നൽകും .
പുളിക്കൽ, കൊണ്ടോട്ടി, എടവണ്ണപ്പാറ, അരീക്കോട്, മഞ്ചേരി വെസ്റ്റ്, മഞ്ചേരി വെസ്റ്റ് എന്നീ 6 സോണുകളിൽ നടക്കുന്ന ഒന്നാം ഘട്ട സർക്കിൾ ചങ്ങാത്തത്തിന്റെ ജില്ലാ തല ഉദ്ഘാടനം അരീക്കോട് സോണിലെ ചമ്രക്കാട്ടൂർ സർക്കിളിൽ ജില്ലാ പ്രസിഡണ്ട് മുഈനുദ്ദീൻ സഖാഫി വെട്ടത്തൂർ നിർവ്വഹിച്ചു.
അബ്ദുൽ ഗഫൂർ ഹനീഫി അധ്യക്ഷത വഹിച്ചു.
പൂക്കോട്ടു ചോല അൽ മദ്രസതു സ്സുന്നിയ്യയിൽ നടന്ന സംഗമത്തിൽ ബഷീർ സഖാഫി കുഴിമണ്ണ, അലി അഫ്സൽ, മുജീബ് അഹ്സനി, മുഹമ്മദ് ശരീഫ് ചെമ്രക്കാട്ടൂർ,ഹൈദർ അലി കാവനൂർ, ഹബീബു റഹ്മാൻ സഖാഫി,ശംസുദ്ദീൻ വാക്കാലൂർ,ശിഹാബുദ്ദീൻ, ഉബൈദുല്ല സഖാഫി, ഹുസൈൻ മിഡിൽ വാലി എന്നിവർ സംസാരിച്ചു. വിവിധ സർക്കിളുകളിൽ നടക്കുന്ന സംഗമങ്ങൾക്ക് ജില്ലാ ഭാരവാഹികളായ സി.കെ.ശക്കീർ, ടി.സിദ്ദീഖ് സഖാഫി,സയ്യിദ് ശിഹാബുദ്ദീന്‍ അഹ്സനി,സയ്യിദ് മുർതള ശിഹാബ് സഖാഫി, മുജീബ് റഹ്‌മാന്‍ വടക്കേമണ്ണ, സൈദ് മുഹമ്മദ് അസ്ഹരിപി കെ മുഹമ്മദ് ശാഫി, കെ.സൈനുദ്ദീൻ സഖാഫി, എം.ദുൽഫുഖാർ സഖാഫി, സി.കെ.എം.ഫാറൂഖ്, പി.ടി.നജീബ്, പി.യൂസുഫ് സഅദി,എം.അബ്ദു റഹ്മാൻ എന്നിവർ നേതൃത്വം നൽകും.