വേങ്ങര: ലോക അർബുദ ദിനത്തോടനുബന്ധിച്ച് വേങ്ങര ഗ്രാമപഞ്ചായത്ത് സായംപ്രഭാ ഹോമിൽ വയോജനങ്ങൾക്ക് വേണ്ടി (ida) ഇന്ത്യൻ ഡെന്റൽ അസോസിയേഷൻ മലപ്പുറം ബ്രാഞ്ച് കമ്മിറ്റിയുമായി സഹകരിച്ച് വായയിലെ അർബുദ നിർണയ ക്യാമ്പും ബോധവൽക്കരണ ക്ലാസും സംഘടിപ്പിച്ചു.
ക്യാമ്പ് ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ എ.കെ സലീമിന്റെ അധ്യക്ഷതയിൽ പഞ്ചായത്ത് പ്രസിഡന്റ്‌ അസീന ഫസൽ ഉദ്ഘാടനം നിർവഹിച്ചു.
ഇന്ത്യൻ ഡെന്റൽ അസോസിയേഷൻ മലപ്പുറം ബ്രാഞ്ച് സി ഡി എച്ച് കൺവീനർ ഡോക്ടർ സാദിഖ് അഹമ്മദ്, വേങ്ങര ഏരിയ കോഡിനേറ്റർ ഡോക്ടർ ഹാരിസ് പൂളകുണ്ടൻ,സായം പ്രഭാ ഹോം കെയർ ഗീവർ ഇബ്രാഹീം എന്നിവർ ക്യാമ്പിന് നേതൃത്വം നൽകി.
പഞ്ചായത്ത് ഭരണസമിതി അംഗങ്ങളായ സിപി കാദർ, റഫീഖ് മൊയ്തീൻ ചോലക്കൽ, മൈമൂന എൻ ടി, പഞ്ചായത്ത് സെക്രട്ടറി mരാജ്യശ്രീ ടി ആർ, ഐസിഡിഎസ് സൂപ്പർവൈസർ സാഹിന എന്നിവർ ക്യാമ്പിന് ആശംസ അറിയിച്ചു.